4. ad Bernandinum Locatellum medicum

Quid medicum torques tam longo tempore inermem,

      Quartana, insontem, febris iniqua, senem?

Egregiam laudem referes, modo parce roganti

      Crudelis, Thraces quin magis ange feros.

5

Te canet altisoni Locatelli docta Camoena,

      Quae Patris intonsi, Pieridumque decus.

Sic tota urbs Vtini inclamat, quartana precantem

      Solatur, spondens castra movere cito.

Gaude ergo, Locatelle, latens, prolixus et humor

10

      Quartanae tua nam linquere membra parat.