Gian Domenico Cancianini odes 3, 18

18. ad amicum ode decima octava

Noscere si te vis, cui es notus iurgia dicas:

Sic te, sic tua crimina nosces.

Hoc ego praeceptum teneo, exhibeoque probatum:

Nam virtus, se noscere, prima.

5

Vnicuique duplex gestatur mantica collo,

Anterior quae est, posteriorque.

Hac sunt errores proprii, illa sunt alieni.

Cernimus hos, non cernimus illos.

Me parvum dicant, iracundum, taciturnum,

10

Multum propositique tenacem:

Dum magna enitar, iuste irascar, mihi

Non sileat, me indignaque vitem.