2.
Certabant geniusque loci ingeniumque poetae,
Naturae vires artificumque manus
In ventura tuum producere saecula nomen
Certabant miris Hovera nympha modis,
5
Et fontem hunc posuere tibi super alta Timavi
Ostia, qui vitreis sydera pulsat aquis.
Omnia perpetuae conspirant foedere laudis
Et nihil his maius quaerere fama potest:
Ergo loci genio si non aeterna, poetae
10
Ingenio vives tempora longa tui,
Naturaeque diu placito nisi munere vivas,
Artificum vives, Vrsa, perennis ope.