122. de Princivalle Mantica

Fulve leo, ternas super astans ungue columnas,

      Nigra alis aquila flammea tecta tenens,

Si praedas congessi auceps, venator utrisque,

      Nomine si Princeps re quoque Vallis eram.

5

Quadrupedum rex, ore gemens, miserare iacentem,

      Alta petens, volucrum maxima, rore riga.

Cum peragi aspiciet nostro pia iusta sepulcro,

      Anne hominum quisquam lumina sicca geret?