109.
Has Fabii inferias luctu fratrumque querelis
Advenio, externis umbra vocata locis,
Quem neque Germani potuerunt sternere ferro,
Crebra nec accenso sulphure pila ruens,
5
Infrenes subigit populos dum Caesar et urbes,
Moenibus extinctum nobilis Vlma tegit.
Immatura eheu mors aufert magna trophaea,
Nec sinit invicti Caesaris arma sequi.
Corneli, tamen haud faciam haec dispendia tanti,
10
Si numeris fratri nomina longa dabis.