77. de Hyeronimo Colloretano
Prostratam quam cernis humi nunc turbine nigro
Florebat corylus fructibus eximiis,
Fundebat gratas late pastoribus umbras
Et sobolem patrio foverat auxilio,
5
Iamque pyros malosque cacumine vicerat alto
Et laurum et palmas, vulsa sed ante diem est.
Post similes fructus (longum depone dolorem)
Saepe dabit laeto consita sylva solo,
Fata immota iubent Colloretana propago
10
Floreat ut celsis perpetuo aucta iugis.