49. ad Priapum
Quod summo reddis languentem vertice penem
Incolumem, auxilio saepe vocate meo,
Dive, tibi ramo suspenditur hic sacer alto
Buxeus, eximia ductus ab arte fabri,
5
Cui gemini haerentes verum testantur honorem
Nudatumque gerens te colit ipse caput.
At non parva manet Pontanum gratia nostrum,
Cui curae ante alios nostra erat una salus:
Cultor hic hortorum sit, dive Priape, tuorum,
10
Dux hic consiliis sit, precor, usque meis.