13.

Sic tibi Pierides pandant Helicona virentem,

      Sic pater optatum lumine monstret iter,

Ne latus in dextrum vestigia, neve sinistrum

      Vana feras, sed ames inter utrunque viam,

5

Vt tibi amicitiae patuerunt limina nostrae,

      Carmine nam capta est mens animusque tuo.

Interea haud fallax surgentis pignus amoris

      Accipe, ne dubites corde aliena loqui:

Tempus erit forsan manibus cum consita nostris

10

      Fronde nova circum tempora laurus eat.

Tiliaventeis, Nymphae, quae luditis undis

      Quaeque agitis celeres per loca senta feras,

Sylvius has statuit vobis, has Sylvius aras,

      Quas niveae supplex sanguine tingat ovis.

15

Sistite vos rapidos cursus, dum traiicit ille,

      Vt bibula dulcis hauriat aure sonos.