33. in obitu Susannae puellae
Flete diu iuvenes, tenerae lugete puellae,
Hic decus, hic ingens gloria vestra iacet:
Iam feret extinctas lacrimis Cytherea facellas,
Iamque pharetratus tela retundet Amor.
5
Improba mors, divum atque hominum crudele venenum,
Qua miseranda iacet ante puella diem.
Parcite iam lacrimis, iuvenes teneraeque puellae,
Elysiis fruitur virgo beata locis.