221. ad Ioannem Austrium de victoria navali
per eum parta contra Turcas

Ars, usus, fortuna, animus, solertia, vires

      Inclyta victricis sunt bona militiae.

His est parta Ducum victoria, sed licet id sit

      Omne tuum, hoc auget Dux tibi magne decus:

5

Quod sperare vetas, quod nos optare triumphos,

      Sic spem, sic votum vincis in arma celer.

Non aliter fulmen ferit ante, et territat ictu

      Quam sonitu, et primum sternit et inde ruit.