201. de Hieronyma Columna

Vos, qui dispositos passim succenditis ignes,

      Aeris affecti ne mala vis perimat,

Si sapitis, vultisque gravem depellere morbum,

      Qui male nunc turbat nos, agitatque metu,

5

Pingite caelestis, si fas est, ora Columnae,

      Perque urbis celebres picta locate vias.

Extemplo puri veniet clementia caeli,

      Diffugient nebulae, diffugietque metus.

At vereor, vitare malum dum creditis igni,

10

      Ne vos igne urat picta Columna suo.