137. de P. Paullo Riccomanno et Alfonso Tamaso

Huc huc hendecasyllabi trecenti,

Quos Riccus meus, et meus Tamasus

Promunt ingenio, rigantque chartis:

Huc piae lacrymae, potensque fletus:

5

Huc huc illecebrae, precesque blandae,

Ira Lucia saevit impotenti.

Nunc opus lacrymis, potente fletu,

Nunc nunc hendecasyllabis trecentis,

Quos Riccus meus, et meus Tamasus

10

Promunt ingenio, rigantque chartis.

Verum si miserum parum iuvabunt,

Ira et Lucia saevit impotenti,

Valete o lacrymae, potensque fletus,

Valete hendecasyllabi trecenti.