113. ad Marium Galeotam

Quas Charites pictis violas iunxere corollis,

      Quas Venus auratis implicuitque comis,

Quasque rigavit Amor, lacrymis quas lavit amantum,

      In primis lacrymis mi Galeota tuis,

5

Ecce ferus subito foedatis unguibus Vrsus

      Colligit, intactum dedecoratque decus.

Deceptum agricolae semper genus: i, cole flores:

      Quas meruit violas Iuppiter, Vrsus habet.