68. Pyrrhi Camerotani pietas

Dum Palinure tuas rapitur Montana per undas,

      Heu Cilicum dira praeda subacta manu,

Evolat ad gemitum Pyrrhus, raptamque secutus

      Non dubitat matris vincla subire suae;

5

Dumque natat pietate celer, pietate fit audax,

      Strataque iam faciles praebuit unda vias:

Reddita tum mater, natus nova praeda relictus,

      Sensere et miseram libera colla vicem.

Praeclarum pietatis opus: dum servus haberis,

10

      Liber es, et victus vincere Pyrrhe potes.