52. ad Nisam

Dicebas mea Nisa credituram

Nunquam te miseros meos amores,

Etsi me aspiceres mori misellum;

Nunc, quod spiritus ipse iam reliquit,

5

Versasque in cineres vides medullas,

Affirmas mihi cuncta credituram,

Et veros nimium meos amores:

Quin dicis nimium esse me misellum.

Verum credulitas quid haec iuvabit?

10

Si non poenituit mali peracti,

Eheu nil pietas iuvat sepultum.