34. de Antaea et Cerrauno

Arserat Antaeam longo Cerraunus amore,

      Saevitiae exemplum sancta Erycina tuae.

Iunxit Amor, tandemque bona dum pace fruuntur,

      Et miscent animas, blanditiasque simul,

5

Ecce inter subito blanda oscula fulminat ictu

      Invidus humani Iuppiter ipse boni.

Nec tamen amplexu potuit divellere amantes

      Ira Iovis: tanta vinxerat arte Venus.

Semper amatorum miserum genus: ut neque tuta

10

      Fulminibus patris sit Cytherea sui.