106. aliud
Quem brevis urna tegit quaeris studiose, viator,
Ricardus parvo conditur hoc tumulo.
Fons bonus hunc genuit, fuit alto stemmate clarus
Clarior et magni dotibus ingenii:
5
Interpres legum, nulli probitate secundus,
Doctrina magnus, magnus et eloquio.
Diis nisi cessissent huius sine crimine mores,
Non sibi sed carae natus erat Patriae.
Saepe laboranti huic succurrit et adfuit unus
10
Idem sed numquam deseruit miseros.
Quare age sarcophagum conspergas flore, viator,
Largo: perpetuum ver civis hic meruit.