Giovanni Pietro Astemio carmina 1, 57

Reference basis text: Claudia Zucchiatti, tesi di laurea Università degli studi di Trieste, 1971-72

Editing of the digital edition: Barbara Zlobec


57.

Rector beate caelitum,

Qui sic amas mortalium

Salutem, ut almi Filii

Sancto cruore laveris

5

Peccata eorum, suscipe

Servi precantis spiritum,

Qui fretus unica tua

Benignitate, languidos

Artus libenter deserit

10

Vt alta caeli sidera

Petens, fruatur, optime

Pater, tua praesentia

Et sempiterno gaudio.