147. de Iulio Stupha et Apolline et Minerva

Audisset Phoebus Stupham cum forte canentem,

      An ne etiam cantu, me quoque vincit amor?

Idem cum rursus dicentem audisset eundem,

      An ne in amore, inquit, Mercurius loquitur.

5

Certe aut effigiem sumpsit deus ales amoris,

      Aut animum illius, verbaque sumpsit amor.

Neutrum est, Pallas ait, verum hic mortalis, et unus

      Vixque puer, duce me, treis superos superat.