125. in alterum volumen historiarum Pauli Iovii

Triginta totus, quae gessit mundus in annis

      Egregie hoc unum cuncta volumen habet.

Causam operis tanti Thusci dux, et decus orbis,

      Facundum Iovius praebuit ingenium

5

Omnibus ergo locis, omnes saecla, omnia laudes

      Cum tibi, Paule Iovi, tum tibi, Cosme, dabunt

Vt cum fata vocant, Maeandri ad fluminis undas

      Albus olor solita dulcius arte canit,

Sic tu, Paule Iovi, ripas moriturus ad Arni

10

      Narras Eridani dum monumenta ducis,

Quod nulli taceant, non mirenturque minores

      Extremum hoc tamquam fundis ab ore melos.