43. Dominici Clementii tumulus

Te pater et genitrix, te fratres, te soror ipsa,

      Clementi, heu pietas crudeli peste peremptum,

Nec minus unanimes longum flevere sodales,

      Sed multo his unus magis omnibus Allegrettus,

5

Quem tibi sancta fides casto coniunxit amore

      Flebat, et o superos, immites, aspraque fata,

Noctes atque dies clamabat, siccine formam

      Egregiam, moresque probos, vitamque pudicam

Ingeniumque sagax primo estinxistis in aevo.