32. dialogus in nuptiis Octavii Farnesii
et Margheritae Austriacae
Margherita
Quid facis, o coniux? num dormis? Surge, marite,
Surge inquam, siquidem nimia tentugine rumpor.
Veh mihi non audis? Sic das medicamina cunno?
Vah pereat, coniux, Paulus pereantque parentes,
5
Qui me tam parvo puero iunxere misellam.
Experiar, potero: moriar nisi adultera fiam:
Flagitium facio, fiat: violentia cogit
Me Veneris; sed rursus vellam ante ungue puellum.
Octavius
Eheu quid patior? numquid me vellicat uxor?
Margherita
10
Ne timeas, mi vir, mea lux, mea sola voluptas:
Oscula trade mihi, collo tua brachia necte.
Ostendas faciem: non est mihi mentula, culo
Vt sit opus: clunes averte, ac tende priapum,
Et quamquam est parvus, forsan depellere amoris
15
Vim poterit.
Octavius
Maneas: sine me requiescere, somnus
(Non parcis misero?) nostros dum detinet artus?
Margherita
Nondum surgis, iners?
Octavius
Nisi desinis esse molesta
Cras referam matri.
Margherita
Cave.
Octavius
Non, mihi crede, cavebo,
Ni cesses stimulare.
Margherita
Precor, miserere, marite,
20
Cum tibi nil noceam: nostras en tange papillas,
Tange manu vulvam: paulatim dirige verpam:
Incipe amoris opus, Venerisque agnoscere fructus.
Octavius
Vicisti tandem: faciam quodcumque iubebis:
Volve mihi culum, si vis, vel prona iaceto.
Margherita
25
Nolo sic facias.
Octavius
Sic me docuere parentes.
Margherita
Absit id. Ecce locus, quem dicunt nomine Vulvam,
Et quo tu debes optatam ducere verpam.
Octavius
Ergo velim doceas, quoniam tibi posse placere
Exopto.
Margherita
Me ineas sic; sed prius arrige membrum.
Octavius
30
Arrexi.
Margherita
Intromitte ergo.
Octavius
Intromissus ad usque
En testes ambos.
Margherita
Cur nullum sentio vulnus?
Hanc equidem credo nondum tetigisse priapum.
Sed stringam vulvam. Cepi sentire parumper,
Nunc demum, sed tu cave, dum crisso, voluptas
35
Nam tua maior erit.
Octavius
Faciam quod iusseris ipsa,
Dum valeam.
Margherita
Mi vir, praebe oscula mutua nobis,
Exerce clunes, res est dulcissima rerum!
Si maior verpa esset, opus quam dulcius istud!
Octavius
Descendam, nam fessa mihi sunt membra labore.
Margherita
40
Desine, quaeso, prius dulcem me tangere metam:
Iamiam perficiam; validus labor ultimus esto.
Octavius
Heu heu, me miserum: iam nobis ilia rumpis.
Parce viro tenero, strictos iam solve lacertos:
Collides miserum totum, nisi brachia tollas.
Margherita
45
Ne timeas: opus est quam nunc mihi dulce peractum.