Fons aerumnarum, domus irae, plena furoris,

Errorum ludus, sectarum mobile templum.

Roma quidem fueras, nunc es Babylonia fallax,

Ex qua tot luctus gemitusque ferentur in orbem.

5

O fraudum mater, carcer taeterrimus irae,

Carnificina boni, sed iniqui sedula nutrix,

Virorum infernus, miraclum insigne futurum,

Si nunquam contra te Christi saeviat ira,

Casta in pauperie tua sint fundamina iacta,

10

Sed modo fundantes oppugnas cornibus altis.

Quid nam frontis habes meretrix? quo niteris audax?

Spes in adulteriis, spes est in divite cista.

Non igitur redeat te Constantinus adaugens

Protinus at miserum qui sustines auferat orbem.