Anton Francesco Ranieri carmen ad Varchium, 1

Ad Benedictum Varchium

Dulcis deseruisse quod videtur,

Gaudere Aoniam Camoena rupem

Labentem placide et redisse ad Arnum.

Tuis auspiciis, beate Varchi,

5

Grates ipsi agimus bono poetae,

Ingentes tibi, dum tuis capillis

Nectunt Pierides novem coronam,

Quae tondent violas nova recentes

Ripas, qua virides coercet amnis,

10

Fovens nunc gremio novem sorores.