71. de odore per totam urbem Venetiarum fragrante

Intempestivo quid mirum flore rosarum

      Hortos in Venetis exuberare locis?

Nam Cypro detrusa Venus baccante Selino

      Incoluit Veneti culta vireta soli,

5

Mensibus inde alienis copia multa rosarum

      Exorta Ambrosiae spargit odore domos,

Quin choreae cantusque vigent clangorque tubarum,

      Vt tulit haec Martis laeta trophea sui.