21. ad Petrum Victorium

VICTORI, tibi plurimum fatemur

Nos debere, quibus tuo labore

Hic Aristotelis libellus artem,

Et mysteria rhetorum recludens

5

Explanatur ita apte, et eleganter,

Vt quem aegre unus, et alter eruditus

Intellexerat ante, ineruditi

Te docente queant labore nullo

Tunc intelligere. Ergo iure cuncti

10

Indocti simul, atque docti amamus

Te de hoc munere, maximasque semper

Labori tuo, et eruditioni,

Rhetor maxime, gratias agemus.