Marco Antonio Flaminio carmina 1, 56

Reference basis text: M. Scorsone, 1993

Editing of the digital edition: Daniela Marrone


56. ad Blosium Palladium

Qualis susurrus arboris, cum florido

Iam vere ludit aura primis frondibus:

Vesanientis quale per Caniculae

Aestum iacere in discolore gramine,

5

Sub umbra amoena, fontis ad lympham sacri;

Tales mihi, poeta iucundissime,

Lusus tui, quibus Turundam carmine

Tam bello, amabili, et faceto concinis;

Vt illa carior Catulli passere

10

Iam sit mihi, sive est quid illo carius.