51. ad Pygmalionem

Cedat, Pygmalion, tibi Celaeno,

Harpyiaeque aliae malae, et rapaces:

Cedat horribilis Chimaera: cedat

Et Scyllae rabies tremenda, et illa

5

Cedat insatiabilis vorago,

Quam Graii veteres vocant Charybdim.

Cedat tergeminus canis, laborque

Cedat Herculis Hydra. Vincit omnes

Tua insignis edacitas; nec illam

10

Iam queat saturare vinearum

Quidquid maximo in orbe Sol tuetur.