37. ad Auram de Reginaldo Polo cardinali
Aura quae lucum viridem pererrans
Nos levi blande recreas susurro,
I, citis, quaeso, pete REGINALDVM
Candida pennis;
5
Tempera et suavi rapidum calorem
Spiritu, circum volitans, nec aestus
Igneus frangat sine delicati
Corporis artus.
Sic ferum semper Boream sonoro
10
Aeolus clausum teneat sub antro:
Sic tibi numquam noceat furentis
Impetus Austri.