31. ad Alovisium Grifalconem
Quid refert quod onusta auro, gemmisque lucerna
Sit mihi, et hanc Cyclops sicano cuderit antro;
Vel quod orontaei bombycis stamine, vel quod
Ipsa venafrano Pallas ornarit olivo,
5
Pendula si cessat? si nulli admota coruscat?
Te non dissimilem video, qui culmen adeptus
Virtutum (cum homines se praeter caetera norint
Causa hominum genitos) contemnis promere signa,
Sub quibus arma novus duce tractet Apolline miles.
10
Siccine mortales divum nos munere fraudas?