Francesco Negri Sylvula, 3

Reference basis text: ed. Basileae 1547

Editing of the digital edition: K. Škraban, 2020


3.

Ad Falconcinum causidicum gladio vulneratum.

Quum commune nihil tibi cum Cicerone fuisset,

      Nec nisi causidici nomen inane feras:

Nunc commune fuit tibi cum Cicerone, cruorem

      Fundere, et ob linguam forte perire tuam.

5

Non inimica igitur manus haec sed amica putanda

      Per quam aliquid docti nunc Ciceronis habes.