58. Hieronimo Vallae
Si Stygii frenator equi Saturnius heros
Pectinis audisset fila sonora tui,
Lex arctare minor Geticos potuisset amores
Nec caput uxori flectere poena foret.
5
Ille novercales mallet quoque Virbius ignes
Quam iuga Taygeti nocte gravante sequi,
Virbius insano laceratus pectora ceto,
Pectora praecipiti pulverulenta fuga.
Non igitur mirum si, me plaudente, Cytheron
10
Ingenii laudes gaudet habere tui.