5. ad Christiparam ode

Coelitum regina deum beata,

Quam Patris summi deitas creavit

Vt fores Nati genitrix patensque

Ianua coeli,

5

Hoc tibi carmen, dea, dedicatur

Musa quod nobis cecinit paterque

Phoebus insigni redimitus alba

Tempora lauro

Quique supremum tenet altus axem

10

Et polum dextra regit impotenti

Lucidoque altus solio recumbit

Rector Olympi:

Namque tu Patrem superum tulisti

Nullius labis vitiata nexu

15

Et Deum nobis, pia Virgo, summum

Tu peperisti.