45. ad Parthenopaeum

Pinguia rura colens, solidis dum versor in agris

      Et dum linquo sophos grande poeta tibi,

In tua musa venit numero comitata noveno

      Cum duce, cum genio Parthenopae tuo.

5

Quid loquar? Aemathius subito fit noster agellus,

      Qui modo campus erat, desinit esse meus

Pone igitur calamos, si sint dispendia tanti,

      Desine me Musis sollicitare tuis,

Ne tecum properans circumdare tempora lauro,

10

      Acquiram famam, dispereamque fame.