29.
Certa Dei hoc soboles recubat sub marmore Christus,
Quem peperit nullo semine casta parens
Non te Dictaei fallant mendacia busti,
Vera Dei terrae sed data membra puta.
5
Horresco referens, trunco sublatus in alto
Informis leti damna, crucemque tulit.
Succutitur tellus nigricans, saxa icta resultant,
Auctoremque suum moesta elementa gemunt.
Nos vero posthac miseri indignemur obire,
10
Nos inquam fragilis pars quotacunque luti?