Andrea Navagero lusus, 63

Reference basis text: C. Griggio, 2001

Editing of the digital edition: Daniela Marrone


63.

Fessus amor Baiis somnum dum captat et umbram

      Ad murmur gelidae prosilientis aquae

Concurrisse ferunt Dryades et fontibus ipsis

      Qua laesae fuerant occuluisse facem.

5

Quis credat? Subito mediis innascitur undis

      Aestus et assiduo fervet ab igne liquor.

Inde fluunt calidis haec semper balnea venis,

      Flamma etenim gelidam vincit amoris aquam.