4. Aurelius Casellius Francisco Varago S.P.D.

Succendens Ephesi quidam memorabile templum,

      Quaesierat nomen nobilitare suum,

Acciderit quamvis aliter, namque edita lex est,

      Tam diri fieret mentio ne qua rei.

5

Sic, dum forte tui fastigia corripit ignis

      Gymnasii, furva nocte, refertque diem,

Diffundi totam coepit tua fama per urbem.

      Quis te non dicat nosse Varagem. "Quis est?".

Tardipedi, similique tibi quod denique clares,

10

      Acceptum debes iure referre deo.