10. ad Anysium
Ambo dulcia, ne verere, et idem
Salsa scribimus ambo, docte Anysi.
Scis quae, uti sumus uno amore iuncti,
Vno carmina scribimus libello;
5
Scis cervum quoque, quem sibi educarunt,
Suum ut Silvia delicata virgo,
Nostri filiolae boni Gevarae:
Ille tam cupide illa devoravit,
Vt omni sale salsiora et omni
10
Posses noscere dulciora melle.
O testem lepidum, bonique Anysi
Raram carminis approbationem!