63. epitaphium Zerbinati
Paulum siste, mora est brevis; rogat te
Zerbinatus in hoc situs sepulchro,
Si sis forte sciens, ut et scientem
Se reddas quoque, quis furor Leonem
5
Tassinum impulerit, quem amabat, et quem
Erat pluribus usque prosecutus
Magnisque officiis domi forisque,
Vt ipsum insidiis agens necarit.
Quod si scire negas, abi; et tibi sit
10
Exemplo, ingenium malum feroxque
Lenire ut benefacta nulla possint.