2a. Hieronymus Borgia ad Augustinum Chisium
Divitiae pariunt aliis, Auguste, nitorem:
Tu lumen, magnum divitiisque decus.
Nam quod regifico sumptu tam ingentia Romae
Tecta novas: Ancos nomina prisca refers;
5
Quod tot praestantes animas tot clara virorum
Ingenia hoc aevi fine perire vetas,
Optima queque fovens mensis genialibus ultro:
Quae iam sint Regum munera vera doces.