Pietro Bembo carmina incerta, 1

Testo base di riferimento: M. Scorsone, 1990

Cura dell'edizione digitale: Daniela Marrone


1. Echo

Quae celebrat thermas Echo et stagna alta Neronis,

      Deludit voces concava saepe meas.

Saepe hic Narcissum expecto, simul illa moratur;

      Si queror, haec queritur; si gemo, et illa gemit.

5

Quisnam clamor? Amor. Quisnam furor? uror. An Echo?

      Echo. Quae maior poena in amore? morae.

Expectas Narcissum? issum. Quae causa morandi?

      Orandi. Num haec dicta notabit? abit.

Affuerat? fuerat. Num isthic? hic. Quem fugit iste?

10

      Is te, etiam me. Quam malum amare? mare.

Num veniet? veniet. Quae spes? aes. Vincitur auro?

      Auro. Victor ero prodigus aeris? eris.

Sunt pueri fragiles? agiles. Vi muneris? aeris.

      Quis docet haec? Echo. Cur bene clamat? amat.