Girolamo Angeriano erotopaegnion, 120

Testo base di riferimento: A. M. Wilson, 1995

Cura dell'edizione digitale: Tiziana Brolli


120. de pulice

Pulchra pulex tenerae penetrat dum membra puellae,

      Clamque subit niveum dente premente femur,

Comprimitur digitis, et nigro clauditur Orco,

      Sed dedit hoc illi distichon alma Venus:

5

Mortuus hic iaceo, sed non hic mortuus: ardens

      Dum premor albenti pollice, vivo pulex.