Antonio Tilesio carminum fragmenta, 18

18.

28

Desuper explorant, nostris licet omnia Phoebus

Eripiat rediens oculis, solusque diurna

30

Lampade collustret coelum, mare, nubila, terras;

Vnus pro cunctis fulget, fluit inde quod usquam est

Luminis, inde calor manat, pater omnibus idem est,

Omnibus idem animas afflat, quaecumque moventur,

Seu suspensa levi fugiunt per inania lapsu,

35

Squammea seu penetrant fluctus errantque per aequor

Immensum, vel qua solidus se colligit Orbis.

Noctifuge, aurato qui laberis aethera curru,

Luciparens, frugumque potens, per te omnia primum

Exoriuntur, alisque idem quodcumque videtur,

40

Sive hominum, pecudumque genus, seu turba volucrum,

Pabulaque, et ramis dense frondentibus arbor:

Salve magna Iovis proles, caeli decus ingens

Cuncta videns, quae sunt, quae mox ventura trahuntur,

Quodque fuit, reges insignes, oppida et arces,

45

Bellaque, et ingentes strages, partosque triumphos