Francesco Di Natale carmina, 67

Reference basis text: M. Marković, 1958

Editing of the digital edition: S. Di Brazzano


67. ad Annibalem Lutium

Astra, racemifera redimitus tempora lauro,

      Transiget Hectorea Caesar in arte potens;

Inachus Argolico tumefactus sanguine vivet

      Semper et a proavis tot numerabit avos.

5

Dum dabit orbis opes, felicia munera tellus,

      Aether aves, conchas aequora: Croesus erit,

Gadibus ad Tanaim, qua currit Nilus ad Istrum:

      Annibalem pulchro carmine fama canet.

Principibus laurus, quod praestitit aula beatis,

10

      Stemmata nobilibus: carmina dant Lutio.