1. C. Paulus Amaltheus in laudem Aemiliani Cinbriaci
ad Petrum Haedum
Quantus Iasonia Tiphis fuit, Haede, carina,
Automedonti curru gloria quanta fuit,
Quantus et Alcides nodosae robore clavae,
Aut cestus Pollux munere, castor equis,
5
Phillyrides herbis, medica Podalirius arte,
Aut testudinea quantus Apollo lyra;
Tantus Pierias venit Aemilianus ad artes
Dum canit Heroo Caesaris acta pede.