9. ad Musas: venisse se parva urna ad hauriendas
ex earum fonte lymphas, quibus pro virili parte sua
imas partes crescentis quercus irriget

Iovis puellae, quae profanum limpidis

Arcetis omne fontibus

Solosque vates haustibus tantis pios

Frequenter huc admittitis,

5

Sacras adorans, si licet, lymphas peto

Arcta pudenter urnula,

Vt rore ad imas irrigem partis levi

Crescentis alte roboris.

Maiore summas abluent aspergine,

10

Qui flumina ipsa exhauriunt.

Vos forte ad umbram sedulus tantae semel

Quercus Camoenae visero,

Ac inde pastum glande me pingui domum

Remittet haec benignitas,

15

Qua me fovetis semper et vestro simul

Completis almae spiritu.