20. carmina inscripta codici Petrarcae,
quem mihi dono dederat Lodovicus Barbadicus
patritius Venetus recenter mihi partus amicus

Libelle carior mihi

Auro et lapillis omnibus,

Quos dives affert India,

Habere quem mihi dedit

5

Partus recenter optimus

Amicus, et dignissimus

Amore, quanto quis potest

Quenquam, ac honore prosequi,

Te sedula aperiam manu

10

Grataque cura perlegam:

Vt auctor est venustior

Multis aperte vatibus,

Donator est multis mihi

Carissimis recentior.