Giovanni Aurelio Augurelli carminum libri 2, 6

Reference basis text: M. Niero, 1986-87

Editing of the digital edition: Ketty Peruch


6. ad Musam:
in Petri Bembi patritii Veneti laudem

Ecquod, diva, corollis

Istis floridulis tuis

Dignum nunc statuis caput?

Cui tantum in tenero sinu

5

Nunc myrti ac aderae foves?

Istis cui manibus sacris

Tantum nectis odorum?

Nunquid forsitan haec meo

Bembo serta virentia,

10

Dulcis Pieri, praeparans,

Nascentem quoque ad ipsa

Incunabula tendis

Exornare poetam?

O quam principio indolem

15

Prae se mirifice tulit

Ille cum, patris optimi

Nuper carmine turbidam

Ausus tangere mentem,

Admovit solidam ori

20

Heroi sonitus tubam,

Vel cum saeva Cupidinis

Longum vulnera pectori

Affixa indoluit suo,

Quod aeternum elegis foret

25

Durae pignus amicae!