19. ad Septimium et Fuscium Thomeum:
quanti faciat Francisci Petrarcae poema

Septimi et Fusci, veterum ac recentum

Impari lingua celebres poetae

Et mihi multum unanimi sodales

Pectore iuncti,

5

Lene deductum lepidumque carmen

Lydii vatis dominam canentis

Lauream num vos moveat parumper

Scire laboro.

Me quidem cultum quotiens volumen

10

Illud est sumptum manibus perenni

Et nova quadam totiens legentem

Detinet arte,

Seu per affectus animum potentis,

Seu per miram speciem moratur,

15

Sive detentum dominae beatis

Moribus explet.

Inter et primos adeo videtur

Inseri vates voluisse ut ullis

Quippe, vel paucis merito secundum

20

Esse negarim.