9. Alexandro Cortesio amico

Non myrrham, uanos nec do tibi turis honores,

      Manlius, ingrato quaeque solent cineri

Nec tibi barbarico, Cortesi, more paramus

      Pyramidum, celso iuncta sepulcra polo.

5

Sed lacrimis gemitus mixta et singultibus ora,

      Carmen et hoc tantae pignus amicitiae,

Quod referat cunctis obliuiscentibus aeuo

      Quantus erat noster te moriente dolor.

Ergo perpetuumque uale et quodcumque leuamen

10

      Sub molli nobis saepe quiete ueni.